بيت القصيد

(1)

حسبي على وقتٍ غريب الطبايع

وحسبي عليك إن كان ودّك عذابي..

(2)

الله خلقني كذا غريبة أطوار..

وإذا تبون الجد "احترت فيني"

مرّة أحس إنّي مثل باقي الأحرار..

ومرّة أحس الوقت قيّد يديني

(3)

يومك هنا ويّاي يرتاح قلبي..

ويومك تروح هناكْ.. يسبقك لـ هناك!!

(4)

مهما أقول إنّي أحبك وأراعيك..

يبقى بوسط القلب شيّ مْتخبّي

مقدر أقول إحساس ذقته على يديك..

وصف المشاعر صعب يا قلبْ قلبي

(5)

الصداقة.. حلم..

والواقع.. قهر..

والبشر حنّا..

ويا شين البشر..

(6)

شفتك..وأنا كنّي أعمى وسط حلمْ شوفه..

ورحت.. وأنا كني قتيلٍ واندفن من سبايبك..

(7)

يا أعذب حكاية.. شوفها يطرب السمع!!

كل المشاعر لا بغت توصفكْ..افْشلتْ..

إن رحت ولاّ جيت..وإن جيت ولاّ رحت

لو يجمعون الأبجدية كلّها " ما وفتْ " !!

(8)

لا يغرك في الملامح هالبراءة..

لو بغيت أجيب راسك راح أجيبه..

(9)

للحبْ طعمْ ولْنار الأشواق لِذّة

محدٍ يحسّ بْها غير واطيها!!

(10)

يا حزن قلّي لي متى وانت خلّي

ودّي بيوم اصافح يْدين الْأفراح

*****

بعثرة حرف على أوتار القصيدة

نثرتها في لحظات تلاطمت فيها المشاعر

فكانت أبياتي اليتيمة..

باقة من الورد لكم

الأسطورة

جمعت ونشرت يوم الخميس 4\4\1429